23.09.2022
Тыдзень роднай мовы
З мэтай папулярызацыі беларускай мовы, далучэння дзяцей да багацця беларускай мовы, выхавання патрыятычных пачуццяў у нашым дзіцячым садку праходзіў тыдзень беларускай мовы "Як ты дарага мне, родная мова" з 19 па 23 верасня. У рамках тыдня былі арганізаваны розныя мерапрыемствы.
Кожны дзень дзяцей другой малодшай групы пачынаўся з гутаркі "Нашы знакамітыя песняры". Выхавальнікі расказвалі дзецям пра творчасць Янкі Купалы і Якуба Коласа.
Ранішняя гімнастыка праводзілася ў суправаджэнні вершаў на беларускай мове.
Дзеці вывучылі пальчыкавую гімнастыку "Раз, два, тры, чатыры, Зайчык вушкі натапырыў".
Пазнаёміліся з лічылкай "Ката грамаце вучылі", гулялі ў беларускую гульню "Гарлачык".
На прагулках дзеці любаваліся прыгажосцю восеньскай прыроды, выконвалі працоўныя даручэнні, замацоўвалі назоўнікі, прыкметы і дзеянні на роднай мове.
Свае ўражанні дзеці адлюстравалі ў калектыўнай аплікацыі "Восеньскае дрэва".
Выхавальнікі знаёмілі дзяцей з прымаўкамі і прыказкамі на беларускай мове. Папоўнілі цэнтр "Куточак Радзімы".
Для бацькоў былі аформлены папкі з метадычнымі рэкамендацыямі.
На тыдні беларускай мовы ў сярэдняй групе выхавацель чытаў дзецям беларускія казкі, гуляў у гульні: "Размаўляем па-беларуску", "Сімвалы Беларусі", у рухомую гульню "Кот і мышы".
У групе для дзяцей з цяжкімі парушэннямі маўлення былі праведзены: літаратурны вечар, прысвечаны творчасці Янкі Купалы, і гутаркі "Мая Радзіма - Беларусь", "Мая маленькая Радзіма - Белавежскі". Выхаванцы гулялі: у рухавыя гульні са слоўнымі прыгаворамі "Бярозка", "Шэры кот", у дыдактычныя гульні "Скажы наадварот", "Дзе што знаходзіцца", "Паслухайце і паўтарыце", адгадвалі "загадкі-рыфмаванкі".
Дзеці старэйшай групы разам з выхавальнікам гулялі ў гульні з гукамі; замацоўвалі назвы посуда на беларускай мове ў дыскусіі "Размаўляем па-беларуску. Посуд старажытны і сучасны"; тлумачылі прыказкі пра працавітасць; вывучылі на памяць верш Я. Купалы "Восень". У групе быў праведзены інтэграваны занятак (развіццё беларускага маўлення і лепка) "Пірагі пшанічныя - пірагі выдатныя". Мэта занятка: прылучаць дзяцей да вуснай народнай творчасці; даць паняцце, што хлеб - асноўная ежа беларусаў; замацаваць назвы мучных вырабаў на беларускай мове.
2024 2023 2022 2021 2020 2019 2018 2017 2016 2015 |
|
08.05.2024 9 мая - День Победы
|
подробнее... |