15.02.2021
Размаўляем па-беларуску разам
Навучанню беларускай мове , авалоданню яе багаццем, азнаямленню з беларускай нацыянальнай культурай надаецца вялікае значэнне ў нашым дзіцячым садзе. Ужо стала традыцыяй праводзіць у групах дні роднай мовы (у панядзелак). Педагогі стараюцца зрабіць гэты дзень асаблівым, выкарыстоўваюць розныя формы і метады ўзаемадзеяння з дзецьмі.
У чарговы дзень беларускай мовы выхаванцы групы для дзяцей з цяжкімі парушэннямі мовы пабывалі на экскурсіі ў "Сялянскай хатцы" з мэтай развіцця цікавасці да нацыянальнай культуры; удакладнілі ўяўленні аб беларускіх народных промыслах (ткацтва, ганчарства, саломапляценне, разьба па дрэве). З выхавальнікам дзеці пагутарылі на тэму "Мінск - сталіца нашай Радзімы", пашырылі і замацавалі прадстаўленні пра сталіцу, яе славутасцях. Вельмі падабаецца хлопчыкам і дзяўчынкам дыдактычная гульня "Адкажы па-беларуску", якая развівае ўменне разумець родную гаворку і размаўляць па-беларуску . На прагулцы дзеці пагулялі ў народныя гульні : "Мароз - чырвоны нос", "Шэры кот".
У старэйшай групе выхавальнікам Саўчук Анастасіяй Мікалаеўнай быў праведзены занятак "Развіццё маўлення і культура маўленчых зносін" , тэма "Транспарт". Задачы: практыкаваць у складанні сказаў па малюнках; развіваць уменне параўноўваць розныя віды транспарту, знаходзіць адрозненні і агульнае, класіфікаваць транспарт; працягнуць знаёмства з прадпрыемствамі прамысловасці Беларусі (Мінскі аўтамабільны завод, Беларускі аўтамабільны завод (Жодзіна); фарміраваць навыкі правільнага і выразнага вымаўлення гукаў; выхоўваць павагу да людзей, якія працуюць на транспарце, і правілы паводзін у транспарце.
