16.03.2020
Дзень роднай мовы ў дзіцячым садзе
Паважаныя бацькі!
Скарбы мовы, скарбы пазнання, скарбы навакольнага свету расчыняюцца тым, хто шчыра любіць і глыбока вывучае родную мову, літаратуру, культуру. Вельмі важна навучыць сённяшніх дзяцей з павагай ставіцца да беларускай мовы, а таксама бегла на ёй размаўляць. Яны мала чуюць родную мову ў шырокім ужытку, а таму маюць бедны слоўнікавы запас, іх маўленне знаходзіцца пад уплывам рускай мовы. Хоць наша ўстанова і з'яўляецца рускамоўнай, але мы шмат увагі ўдзяляем развіццю менавіта беларускага маўлення дзяцей.
У нашым дзіцячым садку мы кожны панядзелак размаўляем на беларускай мове.
Паважаныя бацькі, дапамажыце нам далучыць дзяцей да роднай, беларускай мовы! Хтось, магчыма, не вывучаў мову ў школе, ці не карыстаецца ёю ў жыцці, пакуль ведае абмежаваную колькасць слоў, але ж хоча ўзбагаціць слоўнікавы запас і зацікавіць астатніх. Дзесь ці ж трэба пачынаць!
Напрыклад, пачніце з прывітання ці развітання па-беларуску.
Да ўніверсальных вітанняў належаць: вітаю; прывітанне; добрай раніцы; добры дзень; добры вечар; дабранак.
Формы развітання: да пабачэння; да сустрэчы; да скорага; шчасліва заставацца; заставайцеся здаровыя.
Дзякуем: сардэчна дзякую; дзякуй за дапамогу; я ўдзячны Вам.
Просім прабачэння: прабачце, калі ласка; я прашу прабачэння; даруйце, мне вельмі непрыемна.
Радуемся: вельмі добра; цудоўна; выдатна; вось здорава; якое шчасце; мне вельмі прыемна; я задаволены; мне гэта даспадобы; я вельмі рады.
Жадаем: жадаю шчасця; каб Вы здаровы былі і радаваліся; бывайце здаровы, жывіце багата; хай здейсняцца ўсе спадзяванні; хай усё будзе добра; добрай дарогі; хай Вам шчасціць.
Паважаныя бацькі, размаўляйце, калі ласка, і вы з намі па-баларуску.
